கற்பழிக்க முயன்ற தொழிலாளியை கல்லால் தாக்கி கொன்ற பெண்

இது குறித்த புகாரின் பேரில் சேவூர் போலீசார், வழக்குப்பதிவு செய்து அடுக்குமாடி குடியிருப்பு கட்டுமானப்பணியில் ஈடுபட்டு வரும் 10க்கு மேற்பட்ட தொழிலாளர்களிடம் தீவிர விசாரணை நடத்தினர். விசாரணையில், அடித்து கொலை செய்யப்பட்ட தசொமார்டி மற்றும் அவருடன் பணியாற்றும் 2 பேர் ஒன்று சேர்ந்து மது அருந்தி விட்டு, தங்களுடன் பணியாற்றி வரும் மேற்கு வங்க மாநிலத்தை சேர்ந்த பார்பதிதுறு(45) என்ற பெண்ணை சம்பவத்தன்று இரவு கற்பழிக்க முயன்றதும், இதனால் ஆத்திரமடைந்த அந்த பெண், தசொமார்டினை கல்லால் தலையில் தாக்கி கொலை செய்ததும் தெரியவந்தது.

இதையடுத்து சேவூர் போலீசார், அந்த பெண்ணை கைது செய்தனர். மேலும் 2 பேரை தேடி வருகின்றனர். இது தொடர்பாக அங்கு பணிபுரியும் தொழிலாளர்களிடம் தொடர்ந்து விசாரணை நடைபெற்று வருகிறது.