அனுமதியின்றி மது விற்றதாக குமரியில் 157 வழக்குகள் பதிவு

நாகர்கோவில்:

குமரி மாவட்டத்தில் தீபாவளி தினத்தன்று சட்டவிரோதமாக மது விற்பனை செய்வதை தடுப்பதற்காக மாவட்டம் முழுவதும் மதுவிலக்கு அமல்பிரிவு போலீசாரும், அந்தந்த சட்டம்-ஒழுங்கு போலீஸ் நிலைய போலீசாரும் தீவிர ரோந்து பணியில் ஈடுபட்டனர். இதில் கோட்டார், இரணியல், அருமனை, தென்தாமரைக்குளம் உள்ளிட்ட மாவட்டத்தின் பல்வேறு போலீஸ் நிலைய போலீசாரும், நாகர்கோவில், தக்கலை மதுவிலக்கு அமல்பிரிவு போலீசாரும் 157 வழக்குகள் பதிவு செய்தனர். சுமார் 200-க்கும் மேற்பட்டோர் கைது செய்யப்பட்டு, ஜாமீனில் விடுவிக்கப்பட்டனர். அவர்களிடம் இருந்து 916 மதுபாட்டில்கள் பறிமுதல் செய்யப்பட்டன.