ஸ்பெயின் தீவில் எரிமலை வெடித்து சிதறியது- மக்கள் அலறியடித்து ஓட்டம்

மேற்கு ஆப்பிரிக்க நாடான மொராக்கோ அருகே கேனரி தீவு உள்ளது. இந்த தீவு ஸ்பெயின் நாட்டுக்கு சொந்தமானது ஆகும். இங்கு 80 ஆயிரம் மக்கள் வசிக்கிறார்கள். இந்த தீவில் 8 எரிமலைகள் உள்ளன. அவை தற்போதும் அவ்வப்போது வெடித்து சிதறி வருகிறது. இந்த எரிமலைகளில் ஒன்று ‘கும்ப்ரே வியாஜே’.

1971-ம் ஆண்டு இந்த எரிமலை வெடித்து சிதறியது. அதன் பிறகு 50 ஆண்டு காலம் மவுனமாக இருந்த எரிமலையில் கடந்த ஒரு வார காலமாக லேசான புகை வந்தது. எனவே எந்த நேரத்திலும் எரிமலை வெடிக்கலாம் என்று எதிர்பார்க்கப்பட்டது.