சேலத்தில் மாயமான 2 சிறுவர்கள் ஒரு மணி நேரத்தில் மீட்பு

கன்னங்குறிச்சி:

சேலம் ஜட்ஜ் ரோட்டை அடுத்த நடராஜர் நகர் பகுதியை சேர்ந்த மணிகண்டன் மகன் நந்தன் (வயது 11). அதே பகுதியை சேர்ந்த நக்கீரன் மகன் முகிலன் (10). இவர்கள் 2 பேரும் நேற்று மதியம் வீட்டின் அருகில் விளையாடிக்கொண்டு இருந்தனர். அப்போது திடீரென 2 பேரும் காணாமல் போய்விட்டனர். இதுகுறித்து கன்னங்குறிச்சி போலீசில் புகார் அளிக்கப்பட்டது. அதன் பேரில் உஷார் அடைந்த போலீசார் அவர்களை தீவிரமாக தேடினார்கள். தொடர்ந்து அவர்கள் கன்னங்குறிச்சி பகுதியில் இருந்து வழிதவறி மாமாங்கத்துக்கு நடந்து சென்றது தெரியவந்தது.