பட்டுக்கோட்டை அருகே ஏரியில் மூழ்கி மாணவர் பலி

நேற்று செல்வகணேஷ் தனது 2 நண்பர்களுடன் பட்டுக்கோட்டை அருகே முதல் சேரி கிராமத்திற்கு சென்றார். அங்குள்ள பூலாங்கண்ணி ஏரியில் செல்வகணேஷ் மற்றும் அவருடைய நண்பர்கள் உள்பட 3 பேர் குளித்து கொண்டிருந்தனர்.

அப்போது செல்வகணேஷ் ஏரியில் சேற்றில் சிக்கி வெளியே வர முடியாமல் நீரில் மூழ்கினார். இதைக்கண்ட மற்ற 2 பேரும் நீந்தி கரைக்கு வந்து கூச்சல் போட்டனர். அக்கம்பக்கத்தில் இருந்தவர்கள் ஓடிவந்து பட்டுக்கோட்டை தீயணைப்பு நிலையத்திற்கு தகவல் கொடுத்தனர். தீயணைப்பு நிலைய அதிகாரி செல்வராஜ் தலைமையில் தீயணைப்பு வீரர்கள் ஆல்பன், அஜித் குமார், பாலசந்தர், பாபு ஆகியோர் ஏரியில் குதித்து செல்வகணேசை தேடினர்.