அண்டை நாடுகளுக்கு 55 லட்சம் டோஸ் கொரோனா தடுப்பு மருந்து இந்தியா இலவசமாக வழங்குகிறது

இதுகுறித்து அதன் செய்தி தொடர்பாளர் அனுராக் ஸ்ரீவஸ்தவ் கூறுகையில், ‘இந்தியாவின் அண்டை நாடுகளுக்கு 55 லட்சத்துக்கும் மேற்பட்ட கொரோனா தடுப்பு மருந்துகள் இன்னும் சில தினங்களில் அனுப்பி வைக்கப்படும். அண்டை நாடுகள் கேட்டுக்கொண்டதற்கிணங்க இன்னும் சில தினங்களில் தடுப்பு மருந்துகள் அனுப்பி வைக்கப்படும்.

இதன்படி ஓமனுக்கு 1 லட்சம் டோஸ்களும், மேற்கிந்திய தீவுகளுக்கு 5 லட்சம் டோஸ்களும், நிகரகுவாவுக்கு 2 லட்சமும், பசிபிக் தீவுகளுக்கு 2 லட்சம் டோஸ்களும் வழங்கப்படும். இதுதவிர வணிகரீதியாக பிரேசில், மொராக்கோ, வங்காளதேசம், சவுதிஅரேபியா, தென்ஆப்ரிக்கா, கனடா, மங்கோலியா நாடுகளுக்கும் தடுப்பு மருந்து அனுப்பி வைக்கப்படும். ஆப்பிரிக்காவுக்கு 1 கோடி டோஸ் தடுப்பு மருந்தும், ஐ.நா.சுகாதார ஊழியர்களுக்கு 10 லட்சம் டோஸ் மருந்தும் அனுப்பப்படும்’ என்று தெரிவித்தார்.