குமரியில் மழை நீடிப்பு- பேச்சிப்பாறை, சிற்றார் அணைகளில் இருந்து உபரி நீர் வெளியேற்றம்

அணையில் இருந்து மீண்டும் உபரி நீர் திறக்கப்பட்டுள்ளது. சிற்றாறு-1 அணையில் இருந்தும் உபரிநீர் வெளியேற்றப்படுவதால் குழித்துறை, கோதையாற்றில் வெள்ளம் பெருக்கெடுத்து ஓடுகிறது. திற்பரப்பு அருவியிலும் வெள்ளம் ஆர்ப்பரித்து கொட்டி வருகிறது. 48 அடி கொள்ளளவு கொண்ட பேச்சிப்பாறை அணை 43.94 அடியாக உள்ளது. அணைக்கு 1,174 கனஅடி தண்ணீர் வந்து கொண்டிருக்கிறது. அணையில் இருந்து மதகுகள் வழியாக 378 கனஅடி தண்ணீரும், உபரி நீராக 368 கனஅடி தண்ணீரும் வெளியேற்றப்பட்டு வருகிறது.

பெருஞ்சாணி அணை நீர்மட்டம் 67.36 அடியாக உள்ளது. அணைக்கு 570 கனஅடி தண்ணீர் வந்து கொண்டிருக்கிறது. சிற்றாறு-1 அணையின் நீர் மட்டம் 16.89 அடியாக உள்ளது. அணைக்கு 498 கனஅடி தண்ணீர் வந்து கொண்டிருக்கிறது. அணையில் இருந்து 200 கனஅடி தண்ணீர் மதகு வழியாகவும், 268 கனஅடி தண்ணீர் உபரிநீராகவும் வெளியேற்றப்படுகிறது.