தமிழகத்தில் இன்று நள்ளிரவு முதல் மீனவர்கள் கடலுக்கு செல்கின்றனர்

ஆனால் ராமநாதபுரம் மாவட்டத்தை ஒட்டிய கடலோரப் பகுதி மீனவர்களும் தூத்துக்குடி மாவட்டம், புதுக்கோட்டை மாவட்டம் ஆகிய பகுதிகளிலிருந்து மீனவர்கள் நாளை மீன்பிடிக்க செல்லும் நிலை இருந்தால் ராமேசுவரம், பாம்பன் பகுதியைச் சேர்ந்த மீனவர்கள் மீன்பிடிக்க செல்லலாம் என ஒரு மீனவர்கள் கருத்து தெரிவித்தனர். இதனால் ராமேசுரம், பாம்பன் மீனவர்கள் நாளை முதல் கடலுக்கு செல்வார்கள் என எதிர்பார்க்கப்படுகிறது.

இதுகுறித்து சின்ன ஏர்வாடி விசைப்படகு மீனவர் சங்க செயலாளர் அனஸ்டின் கூறியதாவது:-

ராமநாதபுரம் மாவட்டம் சின்ன ஏர்வாடி, கீழக்கரை, வாலிநோக்கம் உள்ளிட்ட பகுதிகளில் விசைப்படகு மீனவர்கள் மீன்பிடிக்க செல்வதற்கு தயாரான நிலையில் உள்ளோம்.

அதற்கான அனுமதி கடிதத்தை மீன்துறை உதவி இயக்குனருக்கு அளித்துள்ளோம். மீன்துறை உதவி இயக்குநரின் அனுமதிக்காக காத்திருக்கிறோம். அனுமதி கிடைத்தவுடன் வழக்கம்போல் கடலுக்கு மீன் பிடிக்கச் செல்வோம்.

இவ்வாறு அவர் கூறினார்.

இந்த நிலையில் மீன்பிடி தடைக்காலம் முடிந்தாலும் மீனவர்கள் கடலுக்கு செல்ல முடியாத நிலையில் உள்ளனர் என்று ஜெகதாபட்டினம் மீனவர் சங்க தலைவர் பாலமுருகன் தெரிவித்தார்.