முதியவர் பிளேடால் கையை கிழித்து தற்கொலை முயற்சி- கலெக்டர் அலுவலகத்தில் பரபரப்பு

விழுப்புரம்:

விழுப்புரம் மாவட்ட கலெக்டர் அலுவலக பெருந்திட்ட வளாகத்தினுள் நேற்று மாலை முதியவர் ஒருவர் தனது 2 கைகளையும் பிளேடால் கிழித்துக்கொண்டு ரத்தம் சொட்ட, சொட்ட காப்பாற்றுங்கள், காப்பற்றுங்கள் என்று ஓடிவந்தார். உடனே அங்கு பாதுகாப்பு பணியில் ஈடுபட்டிருந்த விழுப்புரம் தாலுகா போலீசார், அந்த முதியவரை தடுத்து நிறுத்தி விசாரணை நடத்தியதில் அவர் செஞ்சி அருகே சிட்டாம்பூண்டியை சேர்ந்த பெருமாள் (வயது 60) என்பது தெரியவந்தது. மேலும் விசாரணையில் அவர் போலீசாரிடம் கூறுகையில், தன்னை எனது குடும்பத்தினர் அடித்து துன்புறுத்துவதாகவும், கொலை மிரட்டல் விடுப்பதாகவும், எனவே அவர்கள் மீது உரிய நடவடிக்கை எடுக்கும்படி கூறினார்.