கொரோனா மருந்து பதுக்கலா?- புகார் தெரிவிக்க தொலைபேசி எண்கள் அறிவிப்பு

மருந்து பதுக்கலை தடுக்கும் வகையில் திருப்பூர் மாவட்டத்தில் துணை கலெக்டர் நிலையில் சிறப்பு அலுவலர் ஒருவர் நியமிக்கப்பட்டுள்ளார். அவர் போலீசாரின் உதவியுடன் மருந்து பதுக்கல் தொடர்பான ஆய்வுகளை மேற்கொள்வார் என மாவட்ட நிர்வாகம் எச்சரித்துள்ளது.இது குறித்து கலெக்டர் விஜயகார்த்திகேயன் வெளியிட்டுள்ள அறிக்கையில் கூறியிருப்பதாவது:-

தனியார் மருத்துவ மனைகளோ, மருந்தகங்களோ, மருந்து வர்த்தகர்களோ, தனி நபர்களோ அத்தியாவசிய மருந்துகளை பதுக்கும் நடவடிக்கையில் ஈடுபட வேண்டாம். குறிப்பாக, ‘ரெம்டெசிவிர்’ மருந்துகளை பதுக்க வேண்டாம்.அதையும் மீறி பதுக்கலில் ஈடுபட்டது கண்டறியப்பட்டால் அத்தியாவசிய பொருட்கள் மற்றும் மருந்துகள் பதுக்கல் தடை சட்டம் மற்றும் பேரிடர் மேலாண்மை சட்டத்தில் கடும் நடவடிக்கை எடுக்கப்படும். பதுக்கிய மருந்துகளை பறிமுதல் செய்வதுடன், சம்பந்தப்பட்ட நபர்கள் மீது குற்றவியல் வழக்கு பதிவு செய்து கைது உள்ளிட்ட கடுமையான நடவடிக்கைபாயும்.