கொரோனா பரவலையொட்டி குமரி-கேரள எல்லை சோதனை சாவடிகளில் கலெக்டர் திடீர் ஆய்வு

இந்தநிலையில் குமரி மாவட்ட கலெக்டர் அரவிந்த் ேநற்று குமரி-கேரள எல்லையில் உள்ள சோதனை சாவடிகளில் திடீரென ஆய்வு மேற்கொண்டார். காக்கவிளை சோதனை சாவடிக்கு சென்ற அவர் அங்கு கண்காணிப்பு பணியில் இருந்த போலீசார் மற்றும் சுகாதார துறையினரிடம், ‘கேரளாவில் இருந்து வருகிறவர்கள் இ-பாஸ் பெற்றுள்ளார்களா? என்பதை கண்டறிந்து அவர்களை கொரோனா பரிசோதனைக்கு உட்படுத்திய பின்புதான் மாவட்டத்திற்குள் அனுமதிக்க வேண்டும். நாள் ஒன்றுக்கு 100 பேருக்காவது கொரோனா பரிசோதனை மேற்கொள்ள வேண்டும். கொரோனா தடுப்பு நடவடிக்கைகளை தீவிர படுத்த வேண்டும்’ என ஆலோசனை வழங்கினார். அவருடன் கிள்ளியூர் தாசில்தார் ராஜசேகர் மற்றும் முன்சிறை வட்டார மருத்துவ அலுவலர் ராஜேஷ் குமார் உட்பட அதிகாரிகள் பலர் இருந்தனர்.

பின்னர் கலெக்டர் அரவிந்த் களியக்காவிளைக்கு சென்று அங்குள்ள சோதனை சாவடிகளில் ஆய்வு நடத்தினார். அப்போது கேரளாவில் இருந்து குமரிக்கு வருகிறவர்கள் வீடுகளில் தனிமைப்படுத்தி கொள்ளவேண்டும். அவர்கள் வெளியே வராமல் சுகாதாரத்துறை அதிகாரிகள் கண்காணிக்க வேண்டும் என்று கேட்டு கொண்டார்.