நைலான் கயிற்றால் கழுத்தை இறுக்கி தம்பியை கொன்ற பிரியாணி மாஸ்டர்

நேற்று இரவு 8 மணிக்கு செல்வராஜ் மதுகுடித்து விட்டு சுப்பிரமணி வீட்டுக்கு சென்றார். அங்கிருந்த சுப்பிரமணியிடம் அவர் தகராறு செய்தார். ஆத்திரம் அடைந்த சுப்பிரமணி, செல்வராஜை சரமாரியாக தாக்கி கீழே தள்ளினார். பின்னர் அருகில் கிடந்த நைலான் கயிற்றை எடுத்து செல்வராஜின் கழுத்தை இறுக்கி அவரை கொலை செய்தார்.

பின்னர் இதுபற்றி சி.எம்.சி. காலனியில் வசிக்கும் அவரது சகோதரிக்கு செல்போனில் தகவல் தெரிவித்தார். குடிபோதையில் செல்வராஜ் கீழே விழுந்து விட்டதாக தெரிவித்தார். சகோதரி மற்றும் உறவினர்கள் நேரில் வந்து பார்த்தனர். அப்போது செல்வராஜின் கண் மற்றும் கழுத்தில் காயங்கள் இருந்தன. இதனால் சந்தேகம் அடைந்த அவர்கள் உக்கடம் போலீசாருக்கு தகவல் தெரிவித்தனர்.