புதிய கல்வி கொள்கையை அமல்படுத்துவதில் கேந்திரிய வித்யாலயா பங்கு முக்கியம் - மத்திய மந்திரி கருத்து

புதுடெல்லி:

மத்திய அரசின் கேந்திரிய வித்யாலயா பள்ளிகள் தொடங்கப்பட்டு 57 ஆண்டுகள் நிறைவடைந்துள்ளன. இதையொட்டி, உத்தரகாண்ட் மாநிலம் ஹரித்துவாரில் கேந்திரிய வித்யாலயா தொடக்க நாள் நடந்தது. அதில், மத்திய கல்வி மந்திரி ரமேஷ் பொக்ரியால் நிஷாங்க், காணொலி காட்சி மூலம் பங்கேற்று பேசியதாவது:- இந்தியாவின் முழு மாற்றத்துக்கு ஐ.ஐ.டி.கள் கருவியாக இருப்பதுபோல், தேச வளர்ச்சிக்கான கருவியாக கேந்திரிய வித்யாலயாக்கள் திகழ்கின்றன. புதிய தேசிய கல்வி கொள்கை மூலம் இந்தியாவின் எதிர்காலத்துக்கு அடித்தளம் அமைக்கப்பட்டுள்ளது. இந்த கல்வி கொள்கையை அமல்படுத்துவதில் கேந்திரிய வித்யாலயாக்களின் பங்கு முக்கியமானதாக இருக்கும்.