துபாயில் இருந்து ரூ.1¾ கோடி வெளிநாட்டு சிகரெட், தங்கம் கடத்தி வந்த 6 பேர் கைது

புதுடெல்லி:

டெல்லி சர்வதேச விமான நிலையத்தில், துபாயில் இருந்து விமானத்தில் வந்த பயணிகளை சுங்க இலாகா அதிகாரிகள் சோதனை நடத்தினர். அவர்களில் 6 பேர், பிரபல வெளிநாட்டு கம்பெனிகளின் சிகரெட்டுகளை கடத்தி வந்திருப்பது கண்டுபிடிக்கப்பட்டது. 7½ லட்சம் சிகரெட்டுகள் இருந்தன. அவற்றின் மதிப்பு ரூ.1 கோடியே 15 லட்சம் ஆகும். அவர்களிடம் மேலும் சோதனை நடத்தியபோது, அவர்கள் உடலில் 1¼ கிலோ எடையுள்ள தங்கத்தை மறைத்து வைத்து கடத்தி வந்தது கண்டறியப்பட்டது. அதன் மதிப்பு ரூ.64 லட்சம் ஆகும்.