நெல்லை மாவட்டத்தில் கோடை மழை - குற்றால அருவிகளில் தண்ணீர் கொட்டுகிறது

இன்று காலை நிலவரப்படி அதிகபட்சமாக தென்காசியில் 52 மில்லிமீட்டரும், ஆய்குடியில் 15.4, ராதாபுரம் மற்றும் பாளையில் 7.2, சங்கரன்கோவில் மற்றும் சேரன்மகாதேவியில் 7, அம்பையில் 5.6, நெல்லையில் 5.3, சிவகிரியில் 4, செங்கோட்டையில் 3 மில்லிமீட்டரும் மழை பதிவாகியுள்ளது. அணைப்பகுதியில் கொடுமுடியாறில் 20, கருப்பாநதியில் 20, குண்டாறில் 13, அடவிநயினாரில் 5, நம்பியாறு மற்றும் சேர்வலாறில் 3, மணிமுத்தாறு மற்றும் பாபநாசத்தில் 1 மில்லிமீட்டரும் மழை பதிவாகியிருந்தது.

நகரப்பகுதிகளில் மட்டுமின்றி மேற்கு தொடர்ச்சி மலைப்பகுதியிலும் மழை பெய்து வருவதால் அணைகளுக்கு நீர்வரத்து அதிகரித்துள்ளது. பாபநாசம் அணைக்கு 28.02 கனஅடியும், மணிமுத்தாறு அணைக்கு 50 கனஅடியும், சேர்வலாறு அணைக்கு 2.55 கனஅடியும் தண்ணீர் வரத்து உள்ளது.

கோடை மழை காரணமாக நெல்லை மாவட்டத்தில் வெப்பம் தணிந்து குளிர்ச்சியான தட்பவெப்ப நிலை நிலவி வருகிறது.