கிராண்ட் ஸ்லாம், ஏடிபி மாஸ்டர்ஸ் தொடர்களுக்கு அடுத்தப்படியாக டென்னிஸில் கருதப்படுவது ஏடிபி 500 போட்டி. ஹம்பர்க் ஓபனுக்கான தகுதிச் சுற்று நடைபெற்று வந்தது. இதில் இந்தியாவின் இளம் வீரரான சுமித் நகல் பங்கேற்றார்.
நேற்று உலகத் தரவரிசையில் 128-வது இடத்திலும், இத்தொடருக்கான தரநிலையில் 3-வது இடம் பெற்றவருமான ஸ்பெயின் நாட்டின் அலெஜாண்ட்ரோ டேவிடோவிச் போகினாவை எதிர்கொண்டார். இதில் சுமித் நகல் 6-4, 7-5 என நேர்செட் கணக்கில் வெற்றி பெற்றார். இதன் மூலம் ஹம்பர்க் யூரோப்பியன் ஓபனில் விளையாட தகுதிப் பெற்றா்.
சேலஞ்சர் லெவல் டென்னிஸ் போட்டியில் 7 தொடர்களில் ஐந்து முறை அரையிறுதி போட்டிக்கு முன்னேறிய சுமித் நகல், 2018-ல் ஏடிபி 250 டாட்டா ஓபனில் விளையாட தகுதிப் பெற்றார்.