இலங்கைக்கு எதிரான முதல் டெஸ்ட்டில் சிறப்பு வாய்ந்த வெற்றி: கோலி

கடந்த முறை (2015-ம் ஆண்டு) இங்கு நடந்த டெஸ்டில் (176 ரன் இலக்கு) வெற்றி பெற்றிருக்க வேண்டும். அந்த தோல்வி எங்களது மனஉறுதியை சீர்குலைப்பதாக அமைந்தது. ஆனால் இந்த முறை ஒருங்கிணைந்து நேர்த்தியான ஆட்டத்தை வெளிப்படுத்தி வெற்றி கண்டிருக்கிறோம். மேலும் இப்போது நாங்கள் மிகவும் அனுபவம் வாய்ந்த அணி. களத்திலேயே அதை பார்த்து இருப்பீர்கள். ஒவ்வொருவரும் பொறுப்புடன் ஆடினர்.

கடந்த முறை இங்கு விளையாடியதுடன் ஒப்பிடும் போது ஆடுகளம் மிகவும் கடினமாக இருந்தது. அதாவது ஆடுகளம் பந்து வீச்சுக்கு பெரிய அளவில் ஒத்துழைப்பு தரவில்லை. இதனால் பந்து வீச்சாளர்கள் கடுமையாக உழைக்க வேண்டி இருந்தது. அத்தகைய நிலையில் கிடைத்திருக்கும் இந்த வெற்றியை சிறப்பு வாய்ந்ததாக கருதுகிறேன்.