செய்திகள்

பொங்கலுக்கு விடப்படும் விசே‌ஷ ரெயில் கட்டணம் விமான கட்டணத்தை விட அதிகம்

போக்குவரத்து தொழிலாளர்களின் வேலை நிறுத்தத்தை தொடர்ந்து பொங்கலுக்கு விடப்படும் விசேஷ ரெயில் கட்டணம் விமான கட்டணத்தை விட அதிக கட்டணம் வசூலிக்கப்படுகிறது.

மாலை மலர்

Published:10th Jan, 2018 at 11:48 AM

சென்னை:

பொங்கல் பண்டிகை நேரத்தில் பஸ் தொழிலாளர்கள் ஸ்டிரைக் நீடித்து வருவதால் பொது மக்கள் பெரிதும் பாதிக்கப்பட்டுள்ளனர்.

பொங்கலுக்கு இன்னும் 3 நாட்களே உள்ள நிலையில் சொந்த ஊர்களுக்கு பயணம் செய்வது எப்படி என்று தெரியாமல் மக்கள் குழப்பத்தில் உள்ளனர். இதனால் ரெயில்வேயின் உதவியை அரசு நாடியுள்ளது.

இக்கட்டான இந்த சூழ்நிலையில் கூடுதலாக சிறப்பு ரெயில்களை இயக்க வேண்டும் என்று அரசு கோரிக்கை வைத்தது. அதனை ஏற்று தெற்கு ரெயில்வே சுவிதா சிறப்பு ரெயில்களை அறிவித்துள்ளது.

சுவிதா சிறப்பு ரெயில்களில் வழக்கமான கட்டணத்தை விட 2 அல்லது 3 மடங்கு கட்டணம் அதிகமாகும்.

இந்த சிறப்பு ரெயில்களில் எவ்வளவு இடங்கள் இருக்கின்றது என்பதை பொறுத்து கட்டணம் மாறுபடும். இடங்கள் குறைந்து கொண்டே வரும்போது கட்டணம் பல மடங்கு அதிகரித்து செல்லும்.