அமைச்சர்களின் டிரைவர் சம்பளத்தை விட பஸ் ஊழியர்கள் சம்பளம் குறைவு: சவுந்திரராஜன் பேட்டி

இனி ஒரு பேச்சுவார்த்தை நடத்த வாய்ப்பு இல்லை என்று அமைச்சர் கூறுவதில் நியாயம் இல்லை. துரோகமாக போடப்பட்ட ஒப்பந்தத்தை ரத்து செய்து, மீண்டும் ஒரு பேச்சுவார்த்தை நடத்தப்பட வேண்டும்.

பணியில் உள்ள தொழிலாளர்களுக்கு பிடித்தம் செய்யும் பணத்தை அந்தந்த மாதமே வங்கி கணக்கில் செலுத்தாமல் இருக்கிறார்களே இது நியாயமா?

முன் உதாரணமாக இருக்க வேண்டிய அரசு இப்படி நடந்து கொள்வது சரிதானா? ஓய்வு பெற்ற தொழிலாளர்களுக்கு வழங்க வேண்டிய பணத்தை வருடக்கணக்கில் கொடுக்காமல் இருக்கிறார்களே இது எந்த வகையில் நியாயம்?

தங்களுக்கு கிடைக்க வேண்டிய பென்‌ஷன் பணம் கிடைக்காததால் பஸ் ஊழியர்களின் குடும்பத்தினர் கடன் வாங்கி கஷ்டப் படுகின்றனர். வறுமையில் வாடுகின்றனர்.

7 ஆயிரம் கோடிக்கு மேல் உள்ள நிலுவைத் தொகையை தொழிலாளர்களுக்கு தராமல் அரசு வைத்துக் கொண்டிருப்பதை எப்படி பெற்றுக் கொள்ள முடியும்.

நாங்கள் நியாயத்தின் பக்கம் இருந்து போராடுகிறோம். கோரிக்கைகள் நிறைவேறும் வரை போராடுவோம். எங்கள் போராட்டம் நீடிக்கும்.

இவ்வாறு அவர் கூறினார்.