குன்னம் அருகே கழிவுநீர் தொட்டி கட்டிய போது மண் சரிந்து கொத்தனார் பலி

இந்நிலையில் நேற்று கட்டிடம் கட்டும் பணியில் வயலப்பாடி அருகே உள்ள கிழுமத்தூர் கிராமத்தை சேர்ந்த கொத்தனார்கள் கொளஞ்சி (வயது 50), செங்கமலை (22), சங்கர் (40) மற்றும் குணசேகர் (40) ஆகிய 4 பேரும் கழிவுநீர் தொட்டி கட்டும் பணியில் ஈடுபட்டனர். கொளஞ்சி, செங்கமலை ஆகிய இருவரும் குழிக்குள் இறங்கியும், சங்கர், குணசேகரன் இருவரும் குழிக்கு மேலேயும் வேலை பார்த்தனர். அப்போது எதிர்பாராவிதமாக குழிக்கு மேலே கொட்டப்பட்டிருந்த மண் திடீரென சரிந்து குழிக்குள் விழுந்தது. இதில் கொளஞ்சியும், செங்கமலையும் மண்ணுக்குள் சிக்கி கொண்டனர்.

இதை பார்த்த வெளியே நின்றவர்கள் அவர்களை மீட்பதற்குள் கொளஞ்சி மூச்சு திணறி சம்பவ இடத்திலேயே பரிதாபமாக இறந்தார்.