கோவை தனியார் ஆஸ்பத்திரியில் சயனிடம் போலீஸ் சூப்பிரண்டு 2 மணி நேரம் விசாரணை

கனகராஜ் இறந்துவிட்டதாலும், சயன் படுகாயம் அடைந்ததாலும் விசாரணையில் எவ்வித பாதிப்பும் ஏற்படவில்லை. விசாரணை தற்போது நல்ல முறையில் நடைபெற்று வருகிறது. இந்த வழக்கில் தலைமறைவாக உள்ள 2 பேரை தீவிரமாக தேடி வருகிறோம்.

இவ்வாறு அவர் கூறினார்.

சயனின் மாமனார் சிவசங்கரன் (வயது 52) வீடு கோவை யை அடுத்த மதுக்கரை சுப்பிரமணியபுரத்தில் உள்ளது. நேற்று மாலை தனிப்படை போலீசார் சிவசங்கரனின் வீட்டிற்கு சென்று, அங்கு ஏதாவது தடயங்கள் கிடைக்கிறதா? என்று சோதனை செய்தனர்.

இந்த சோதனை அரை மணி நேரம் நடந்தது. சோதனையில் எவ்வித தடயங்களும் போலீசாருக்கு கிடைக்கவில்லை என்று கூறப்படுகிறது. இதைத்தொடர்ந்து போலீசார் சிவசங்கரனிடம் விசாரணை நடத்திவிட்டு அங்கிருந்து புறப்பட்டு சென்றனர்.

கேரள மாநிலம் அரக்காடு போலீசார் ஒரு மோசடி வழக்கில் திருச்சூரை சேர்ந்த ஜிதின்ராய் (19), வயநாட்டை சேர்ந்த ஜம்ஷீர் அலி (32) ஆகியோரை கைது செய்தனர். கொடநாடுஎஸ்டேட்டில் நடந்த கொலை, கொள்ளையில் அவர்களுக்கு தொடர்பு இருப்பது தெரியவந்தது. இவர்களிடம் இருந்து கொள்ளைக்கு பயன்படுத்திய ஒரு காரையும் போலீசார் கைப்பற்றினர்.

எனவே சிறையில் அடைக்கப்பட்டுள்ள அந்த 2 பேரையும் நீலகிரி மாவட்ட போலீசார் காவலில் எடுத்து விசாரிக்க முடிவு செய்தனர். இதற்காக கேரளா சென்ற போலீசார் மலப்புரம் கோர்ட்டில் மனு தாக்கல் செய்து 2 பேரையும் 3 நாட்கள் போலீஸ் காவலில் வைத்து விசாரணை நடத்த அனுமதி பெற்றனர். அவர்கள் 2 பேரையும் பலத்த பாதுகாப்புடன் நீலகிரிக்கு அழைத்து வந்து ரகசிய இடத்தில் வைத்து போலீசார் விசாரணை நடத்தி வருகிறார்கள்.