திருப்பத்தூர் பழைய பஸ் நிலையம் அருகே தெருவை சுத்தப்படுத்தும் பணியில் ஈடுபட்ட ராஜஸ்தான் மந்திரி கிரண் மகேஸ்வரி.

செய்திகள்

தமிழக அதிகாரிகளை தாக்கியவர்கள் மீது நடவடிக்கை: ராஜஸ்தான் மந்திரி

ராஜஸ்தான் மாநிலத்தில் மாடுகளை லாரியில் ஏற்றி வரும்போது தமிழக அரசு அதிகாரிகளை தாக்கியவர்கள் மீது நடவடிக்கை எடுக்கப்படும் என அம்மாநில மந்திரி கிரண் மகேஸ்வரி கூறியுள்ளார்.

Published:14th Jun, 2017 at 10:21 AM

திருவண்ணாமலை:

பிரதமர் நரேந்திர மோடியின் 3 ஆண்டு சாதனை விளக்க கருத்தரங்கு நேற்று மாவட்ட பா.ஜ.க. சார்பில் திருவண்ணாமலையில் நடந்தது. மாநில சிறுபான்மை அணி தலைவர் ஆசாம்பாஷா தலைமை தாங்கினார். வேலூர் கோட்ட பொறுப்பாளர் பிரகாஷ், மாவட்ட தலைவர் நேரு, துணை தலைவர் சுந்தரமூர்த்தி ஆகியோர் முன்னிலை வகித்தனர்.

இதில் சிறப்பு அழைப்பாளராக ராஜஸ்தான் மாநில உயர்கல்வித்துறை மந்திரி கிரண் மகேஸ்வரி கலந்து கொண்டு பிரதமர் நரேந்திர மோடி ஆட்சி புரிந்த 3 ஆண்டுகளில் கொண்டு வரப்பட்ட பல்வேறு திட்டங்கள் குறித்து விளக்கி பேசினார்.

முன்னதாக அவர் நிருபர்களிடம் கூறியதாவது:-

மத்தியில் பா.ஜ.க. ஆட்சிக்கு வந்து 3 ஆண்டுகள் நிறைவடைந்துள்ளது. இந்த 3 ஆண்டுகளில் பிரதமர் நரேந்திர மோடி நாட்டின் வளர்ச்சிக்காகவும், ஏழை, எளிய மக்களின் வாழ்வாதாரத்தை மேம்படுத்தவும் பல்வேறு நலத்திட்டங்களை செயல்படுத்தி உள்ளார். மத்திய அரசின் திட்டங்கள் அனைத்தும் மக்களுக்கு சென்றடைய வேண்டும் என்ற நோக்கத்தில் தான் இந்த கருத்தரங்கு நடைபெறுகிறது. பிரதமர் நரேந்திரமோடி ஏழை, எளிய மக்கள் பயன்பெறும் வகையில் எரிவாயு மானியம், விபத்து காப்பீடு, பயிர் காப்பீடு, விவசாய கடன், 2022-ம் ஆண்டுக்குள் அனைவருக்கும் வீடு போன்ற பல்வேறு திட்டங்களை செயல்படுத்தி வருகிறார்.

தமிழகத்தில் அனைத்து துறைகளிலும் ஊழல் அதிகரித்துள்ளது. ஆளும் அ.தி.மு.க. 3 பிரிவாக பிரிந்து காணப்படுகிறது. அமைச்சர்கள், ஆளும் எம்.எல்.ஏ.க்கள் பொதுமக்கள் பிரச்சனைகளை தீர்ப்பதில் கவனம் செலுத்தவில்லை. மாறாக அவர்களின் நலனை கருத்தில் கொண்டே ஆட்சி செய்து வருகிறார்கள்.