ராஜாக்கமங்கலம் துறையில் குடிபோதையில் மோதல்- மீனவர் குத்திக்கொலை

அப்போது ஆத்திர மடைந்த ராஜன் கத்தியால் அருள்தாசனை குத்தினார். மேலும் ஜாண்சன் உள்ளிட்ட 3 பேரும் உருட்டுக்கட்டையால் தாக்கினர். அவர்களை தடுத்த அருள்தாசனின் 2 மகன்கள் மற்றும் தம்பி தேவதாசன் ஆகியோரும் தாக்கப்பட்டனர்.

இந்த தாக்குதலில் அருள்தாசன், தேவதாசன் ஆகிய இருவருக்கும் பலத்த கத்திக்குத்து காயம் ஏற்பட்டது. இதையடுத்து அவர்கள் சிகிச்சைக்காக ஆசாரிப்பள்ளம் அரசு ஆஸ்பத்திரிக்கு கொண்டு செல்லப்பட்டனர். ஆனால் ஆஸ்பத்திரிக்கு செல்லும் வழியிலேயே அருள்தாசன் பரிதாபமாக இறந்தார்.

அவரது தம்பி தேவதாசன் படுகாயங்களுடன் ஆஸ்பத்திரியில் சிகிச்சை பெற்று வருகிறார். அருள்தாசன் கொல்லப்பட்ட சம்பவம் குறித்து ராஜாக்கமங்கலம் போலீஸ் நிலையத்தில் புகார் செய்யப்பட்டது. கன்னியாகுமரி துணை போலீஸ் சூப்பிரண்டு பாஸ்கரன், ராஜாக்கமங்கலம் போலீஸ் இன்ஸ்பெக்டர் மீனா மற்றும் போலீசார் சம்பவ இடத்திற்கு விரைந்தனர்.

அவர்கள் மோதல் மற்றும் கொலை சம்பவம் குறித்து விசாரணை நடத்தினர். அருள்தாசன் கொலை தொடர்பாக ராஜாக்கமங்கலம் போலீசார் வழக்கு பதிந்து ராஜன், ஜாண்சன், ஜோரிஸ் ஜாண், நெஸ்கோ ஆகிய 4 பேரையும் கைது செய்தனர். அவர்களிடம் கொலைக்கான காரணம் குறித்து போலீசார் விசாரணை நடத்தி வருகின்றனர்.

குடிபோதையில் நடந்த மோதலில் மீனவர் குத்தி கொலை செய்யப்பட்ட சம்பவம் ராஜாக்கமங்கலம் துறை பகுதியில் பரபரப்பை ஏற்படுத்தி உள்ளது. அங்கு மோதல் சம்பவம் நடக்காமல் இருப்பதற்காக போலீஸ் பாதுகாப்பு போடப்பட்டு உள்ளது.