புதுச்சேரியில் த.வெ.க. தலைமையை காங்கிரஸ் ஏற்குமா?- இடைத்தேர்தலில் முடிவு தெரியும்

புதுச்சேரியில் கடந்த 2021 சட்டசபை தேர்தலில் தி.மு.க. 6 தொகுதிகளில் வெற்றி பெற்று எதிர்க்கட்சி அந்தஸ்தை பெற்றது.

புதுச்சேரியில் நீண்டகாலமாக கோலோச்சி வந்த காங்கிரஸ் 2 தொகுதியில் மட்டுமே வெற்றி பெற்று தோல்வியடைந்தது. இதனால் கடந்த 5 ஆண்டுகளும் காங்கிரசுக்கும், தி.மு.க.வுக்கும் யார் பெரிய கட்சி என்பதில் போட்டா போட்டி நிலவியது.

தி.மு.க. தலைமையை காங்கிரஸ் இறுதிவரை ஏற்க முன்வரவில்லை. ஒரு கட்டத்தில் தி.மு.க. தொகுதிகளை சமமாக பிரித்து கொண்டு கூட்டணி கட்சிகளுக்கு தலா ஒரு தொகுதியை விட்டுத்தந்து போட்டியிடலாம் என சமரச பேச்சும் நடத்தியது. இதற்கும் காங்கிரஸ் சம்மதிக்கவில்லை.

இது நடந்து முடிந்த சட்டசபை தேர்தலில் எதிரொலித்தது. தற்போதைய சட்டசபையில் காங்கிரஸ் ஒரே ஒரு எம்.எல்.ஏ.வை மட்டுமே பெற்றுள்ளது. இதனிடையே தமிழகத்தில் விஜய் தலைமையிலான த.வெ.க. ஆட்சியை பிடித்துள்ளது. தமிழக அமைச்சரவையில் காங்கிரசை சேர்ந்த 2 பேர் அமைச்சர்களாக இடம் பெற்றுள்ளனர். இதனால் தமிழகத்தில் விஜய் தலைமையிலான த.வெ.க.வை காங்கிரஸ் ஏற்றுள்ளது.