தமிழக சட்டமன்ற தேர்தலில் புதுச்சேரி முதல்-அமைச்சர் ரங்கசாமி பாணியை பின்பற்றிய விஜய்

புதுச்சேரி முதல்-அமைச்சர் ரங்கசாமி கடந்த 2011ம் ஆண்டு காங்கிரஸ் கட்சியிலிருந்து விலகி என்.ஆர்.காங்கிரஸ் என்ற கட்சியை தொடங்கினார்.

கடந்த 2008ம் ஆண்டு காங்கிரஸ் முதல்-அமைச்சராக இருந்த ரங்கசாமிக்கு எதிராக எம்எல்ஏக்கள் போர்க்கொடி தூக்கி பதவியிலிருந்து வெளியேற்றினர். ஆனால், தேர்தலுக்கு நெருக்கம் வரை 2 ஆண்டுகள் வரை ரங்கசாமி மவுனம் காத்து வந்தார்.

தேர்தலுக்கு மிக நெருக்கத்தில் பிப்ரவரி மாதம் 7-ந்தேதி கட்சி தொடங்கினார். கட்சி தொடங்கிய பிறகு, கடலூர் சாலை ரோடியர் மில் திடலில் மாநாட்டு நடத்தினார். அந்த மாநாட்டில் 4 மணி நேரம் தொடர்ந்து பேசினார்.

இதன்பிறகு தேர்தலில் அதிமுக கூட்டணியுடன் சந்தித்தார். தேர்தலில் 15 தொகுதிகளில் வெற்றி பெற்றார். சுயேட்சை எம்எல்ஏ ஆதரவுடன் ஆட்சி அமைத்து முதல்- அமைச்சரானார்.