பெரம்பலூரில் சைக்கிள் போட்டியில் வெற்றி பெற்றவர்களுக்கு பரிசு

பெரம்பலூர் பாலக்கரையில் இருந்து தொடங்கிய சைக்கிள் போட்டியை மாவட்ட கூடுதல் போலீஸ் சூப்பிரண்டு ஞானசிவக்குமார் கொடியசைத்து தொடங்கி வைத்தார். இதில் பெரம்பலூர், அரியலூர், திருச்சி, சேலம், வேலூர், கடலூர் மாவட்டங்களை சேர்ந்த ஒரு மாணவி உள்பட 240 வீரர்கள் கலந்து கொண்டனர்.

பாலக்கரையில் இருந்து புறப்பட்ட வீரர்கள் குரும்பலூர் வழியாக அம்மாபாளையத்திற்கு சென்று பெரம்பலூர் மேற்கு வானொலித்திடலை வந்தடைந்தனர். திருச்சி மாவட்டம் ஸ்ரீரங்கத்தை சேர்ந்த வீரர் சிவா பந்தய தூரத்தை 54 நிமிடம் 43 வினாடிகளில் கடந்து முதல் இடத்தை பெற்றார். வேலூர் மாவட்டத்தை சேர்ந்த வீரர் ஹரிவிக்னேஷ் 54 நிமிடம் 44 வினாடிகளில் கடந்து 2-வது இடத்தை பெற்றார். திருச்சி மாவட்டம் லால்குடி புள்ளம்பாடியை சேர்ந்த சிற்றரசன் 3-வது இடத்தையும், அதே பகுதியை சேர்ந்த முத்துகிருஷ்ணனும், திருச்சியை சேர்ந்த மாணவி ஐஸ்வர்யாவும் 4-வது இடத்தை பெற்றனர்.