குமரியில் பிரதமர் மோடி: ஒக்கி புயல் பாதிப்பு குறித்து முதல்வர், அதிகாரிகளுடன் ஆலோசனை

இதன் பின்னர், தமிழக முதல்வர், அரசு அதிகாரிகள் புயல் பாதிப்பை பிரதமரிடம் விளக்கினர். தமிழக அரசு சார்பில் நிவாரண நிதி கோரி பிரதமரிடம் கோரிக்கை மனுவை முதல்வர் எடப்பாடி பழனிசாமி அளித்தார். இதில், துணை முதல்வர் ஓ.பன்னீர் செல்வம், கவர்னர் பன்வாரிலால் புரோகித் பங்கேற்றனர்.

இதனையடுத்து, கன்னியாகுமரிக்கு அழைத்து வரப்பட்டகடற்கரை கிராமங்களான தூத்தூர், இரயுமன்துறை, பூத்துறை, சின்னத்துறை, இரவிபுத்தன் துறை, நீரோடி உள்பட 8 கடற்கரை கிராமங்களைச் சேர்ந்த மீனவர்கள் மற்றும் அங்குள்ள ஆலய பங்கு தந்தையர்களை சந்தித்து பிரதமர் மோடி ஆறுதல் கூறினார். அவர்களின் கோரிக்கைகளை மோடி கேட்டறிந்தார்.

இதுபோல பயிர் நிலங்கள் சேதமடைந்ததால் பாதிப்புக்கு ஆளான விவசாயிகளையும், விவசாய சங்க பிரதிநிதிகளையும் சந்தித்து அவர்களின் கருத்துக்களை கேட்டறிந்தார்.

கூட்டம் முடிந்த பின்னர், ஹெலிகாப்டர் மூலமாக மீண்டும் திருவனந்தபுரத்திற்கு செல்லும் அவர், அம்மாநில முதல்வர், அதிகாரிகளை சந்தித்து புயல் பாதிப்பு குறித்து ஆய்வு நடத்துகிறார்.