புதுவை அ.தி.மு.க. எம்.எல்.ஏ.க்கள் 4 பேரும் தினகரனுக்கு ஆதரவு

கோகுலகிருஷ்ணன் எம்.பி. ஆரம்பத்தில் இருந்தே தினகரன் ஆதரவாளராக இருந்து வருகிறார்.

4 எம்.எல்.ஏ.க்களும் யாருடைய ஆதரவாளர்களாக இருக்கிறார்கள் என்பதில் தெளிவற்ற நிலையே இருந்தது.

அவர்கள் எடப்பாடி பழனிச்சாமியையும், தினகரனையும் மாறி மாறி சந்தித்து வந்தனர். இதனால் அவர்களிடம் ஒரு ஊசலாட்ட நிலை நிலவியது.

ஆனால், நேற்று அவர்கள் பொதுக்குழு கூட்டத்தில் பங்கேற்காமல் புறக்கணித்ததால் 4 எம்.எல்.ஏ.க்களும், எம்.பி.யும் தற்போது தினகரன அணியில் இருப்பது உறுதியாகி உள்ளது.

இது சம்பந்தமாக அன்பழகன் எம்.எல்.ஏ.விடம் கேட்ட போது, பொதுக் குழுவில் சசிகலாவையும், தினகரனையும் நீக்கப் போவதாக எங்களுக்கு தகவல் கிடைத்தது. இதில், எங்களுக்கு விருப்பம் இல்லை. எனவேதான் பொதுக்குழு கூட்டத்தில் கலந்து கொள்ளவில்லை என்று கூறினார்.