பெத்தநாயக்கன்பாளையம் அருகே தனியார் பள்ளி வாகனம் மோதி மாணவன் பலி

இந்த விபத்தில் சைக்கிள் பள்ளி வாகனத்தின் டயரில் சிக்கியது. பள்ளி வாகனம் சுமார் 100 அடி தூரம் இழுத்து சென்றதில் சம்பவ இடத்திலேயே தினேஷ்குமார் பலியானார். இந்த விபத்து சம்பவம் குறித்து தகவல் அறிந்ததும் ஆவேசம் அடைந்த அக்கம், பக்கத்தினர் மற்றும் பொது மக்கள் பள்ளி வாகனத்தின் கண்ணாடியை அடித்து நொறுக்கினார்கள். மேலும் டீசல் டேங்கினை சேதப் படுத்தினார்கள். மேலும் அவர்கள் அங்கு சாலை மறியலில் ஈடுபட்டனர். இதனால் அப்பகுதியில் பதட்டம் நிலவியது.

கலெக்டர் நேரில் வந்தால் தான் மாணவன் உடலை ஆம்புலன்ஸ் வாகனத்தில் ஏற்ற விடுவோம் என பொது மக்கள் போலீசாரிடம் தெரிவித்தனர். எனினும் தொடர்ந்து போலீசார் பொதுமக்களிடம் சமாதானம் பேசி வருகின்றனர்.