கொரோனா ஆபத்தை இன்னும் உணரவில்லை... சமூக விலகலை புறந்தள்ளும் மக்கள்

சமூக விலகலை மீறுதல், மாஸ்க் அணியாமல் வெளியில் செல்வது என ஒரு சிலர் செய்யும் செயல்களால் சமூக தொற்று ஏற்படும் அபாயம் உள்ளது.

கொரோனா வைரஸ் பரவல் 3-ம் கட்டத்திற்கு செல்வதை தவிர்க்க வேண்டும் என்றால், ஊரடங்கு உத்தரவை 14-ம் தேதிக்கு பிறகும் நீட்டிக்க வேண்டும் என பல்வேறு தலைவர்கள் வலியுறுத்தி உள்ளனர். மருத்துவ வல்லுநர்களும் இதே கருத்தை முன்வைத்துள்ளனர். எனவே, ஊரடங்கு உத்தரவு நீட்டிக்கப்படவே அதிக வாய்ப்பு உள்ளது.

அப்படியே நீட்டிக்கப்பட்டாலும், அதனை வெற்றிகரமாக செயல்படுத்துவது மக்கள் கையில்தான் இருக்கிறது. எனவே, முடிந்த அளவிற்கு வெளியில் வருவதை தவிர்க்க வேண்டும். அத்தியாவசிய தேவைகளுக்கு வரும்போதும் மிகுந்த கவனத்துடன் மாஸ்க் அல்லது கைக்குட்டையை அணிந்து வருவது அவர்களுக்கும் நல்லது, மற்றவர்களுக்கும் நல்லது.