தீவிரவாதிகள் நமது சகோதரர்கள்: சர்ச்சை கருத்து கூறிய எம்.எல்.ஏ. மீது வழக்குப்பதிய வேண்டும் - பா.ஜ.க. கோரிக்கை

காஷ்மீர் மாநிலத்தில் மக்கள் ஜனநாயக கட்சி தலைமையிலான ஆட்சி நடைபெற்று வருகிறது. இந்த கட்சியின் எம்.எல்.ஏ.வாக இருப்பவர் அஹமது பிர். சமீபத்தில் நிருபர்களிடம் பேசிய இவர், காஷ்மீரை சேர்ந்த தீவிரவாதிகள் வீரமரணம் அடைகின்றனர். அவர்கள் நமது சகோதரர்கள். இவர்களில் சிலர் சிறுவர்களாக உள்ளனர். தாங்கள் என்ன செய்கிறோம் என்பதுகூட தெரியாமல் உள்ளனர். தீவிரவாதிகள் கொல்லப்படுவதை நாம் கொண்டாடக் கூடாது. தீவிரவாதிகள் மரணமடையும் போதும் நாம் பரிதாபப்பட வேண்டும் என்றார்.

ஆளும் கட்சியுடன் கூட்டணி வைத்துள்ள பா.ஜ.க. உள்ளிட்ட பல கட்சிகள், அஹமதுவின் இந்த கருத்துக்கு கடும் கண்டனம் தெரிவித்துள்ளன.