பாகிஸ்தான் தீவிரவாத அமைப்புகளுக்கு எதிராக பிரிக்ஸ் மாநாட்டில் கண்டன அறிக்கை

43 பக்கங்களை கொண்ட அந்த அறிக்கையில், தெற்காசிய பிராந்தியத்தில் தலிபான், ஐ.எஸ்.ஐ.எஸ்., அல்-கொய்தா, கிழக்கு துருக்மேனிஸ்தான் இஸ்லாமிய அமைப்பினர், உஸ்பெகிஸ்தான் இஸ்லாமிய அமைப்பினர், பாகிஸ்தானில் இயங்கி வரும் ஹக்கானி தீவிரவாதக் குழுக்கள் லஷ்கர் இ தொய்பா, ஜைஷ் இ முஹம்மது, தெஹ்ரிக் இ தலிபான் பாகிஸ்தான் மற்றும் ஹிஸ்ப் உத் தஹ்ரிர் உள்ளிட்ட தீவிரவாத இயக்கங்களால் நடத்தப்படும் வன்முறை தாக்குதல்கள் தொடர்பாகவும், இதனால் பிரிக்ஸ் இந்த பிராந்தியத்தின் பாதுகாப்பு கேள்விக்குறியாகி உள்ளது பற்றியும் பிரிக்ஸ் அமைப்பு கவலை கொண்டுள்ளது என குறிப்பிடப்பட்டுள்ளது.

எவ்வித தீவிரவாதத்தையும் நியாப்படுத்த முடியாது. இத்தகையை தாக்குதலை நடத்துபவர்கள், திட்டம் தீட்டி தருபவர்கள், இதுபோன்ற தீவிரவாத அமைப்புகளுக்கு ஆதரவு அளிப்பவர்கள், நிதியுதவி செய்பவர்களை சட்டத்தின்முன் நிறுத்த வேண்டும். சர்வதேச சட்டதிட்டங்களுக்கு உட்பட்டும், மற்ற நாடுகளின் இறையாண்மையிலும், உள்ளாட்சி முறையில் தலையிடாமலும், தீவிரவாதத்தை தடுக்கவும், எதிர்த்து போராடவும் சர்வதேச சமுதாயத்தின் ஒருங்கிணந்த ஒத்துழைப்பு மிகவும் அவசியமாக உள்ளது எனவும் இந்த அறிக்கையில் வலியுறுத்தப்பட்டுள்ளது.