பத்மநாபசுவாமி கோவிலில் ரகசிய ‘பி’ அறையை ராஜகுடும்பத்தின் அனுமதி பெற்று திறக்க வேண்டும்: தேவசம்போர்டு தலைவர்

ஆனால் இங்குள்ள ‘பி’ ரகசிய நிலவறை மட்டும் இதுவரை திறக்கப்பட வில்லை. இந்த நிலவறையை திறந்தால் நாட்டுக்கு ஆபத்து என்று பீதி கிளப்பப்பட்டதால் அந்த நிலவறையை திறந்து அதில் உள்ள பொக்கி‌ஷங்களை கணக்கெடுக்கும் பணி நடைபெறவில்லை. இதற்கிடையில் பத்மநாப சுவாமியின் நெற்றி திலகத்தில் இருந்த 8 வைரங்கள் மாயமானதாக புகார் எழுந்தது.

இதுபற்றி வக்கீல் கோபால் சுப்பிரமணியம் சுப்ரீம் கோர்ட்டில் அறிக்கை தாக்கல் செய்தார். இதுபற்றி விசாரிக்க வேண்டும் என்றும் கேட்டுக்கொண்டார். மேலும் ரகசிய ‘பி’ நிலவறையை உடனே திறந்து அதில் உள்ள பொக்கி‌ஷங்களை கணக்கிட வேண்டும். இதை திறப்பதில் ஏற்படும் தாமதம் பல்வேறு சந்தேகங்களை ஏற்படுத்தும். இந்த நிலவறையை திறந்தால் ஆபத்து என்று தேவையற்ற வதந்தி கிளப்பப்படுகிறது. ஏற்கனவே பலமுறை மன்னர் குடும்பத்தினர் இந்த நிலவறையை திறந்துள்ளனர் என்று கூறியிருந்தார்.