மகன் கல்யாணத்தில் உறுப்பு தான விழிப்புணர்வுக்கு தனி ஸ்டால்: பீகார் துணை முதல் மந்திரி அசத்தல்

சுஷில் குமார் மோடியின் மகன் உத்கார். இவரது கல்யாணம் நாளை மறுதினம் (3.12.17) பீகார் கால்நடை மருத்துவ கல்லூரி மைதானத்தில் நடைபெற உள்ளது.

இந்த கல்யாணத்தில் கண்கள் மற்றும் உடல் உறுப்பு தானத்தின் சிறப்புகளை விளக்கும் வகையில் தனி ஸ்டால் அமைத்துள்ளார். அந்த ஸ்டாலில், உறுப்பு தானம் தொடர்பான பதாகைகள் மற்றும் துண்டு பிரசுரங்கள் விநியோகம் செய்யப்படும்.

மேலும், கல்யாணத்துக்காக வரதட்சணை வாங்க மாட்டேன் என உறுதி ஏற்பவர்கள் மற்றும் குழந்தைகள் திருமணங்களில் பங்கெடுப்பது இல்லை போன்ற காரணங்களுக்காகவும் தனி ஸ்டால்கள் அமைக்கப்பட்டு உள்ளது என சுஷில் குமார் தெரிவித்துள்ளார்.

பீகார் துணை முதல் மந்திரியின் இந்த முயற்சிக்கு மாநிலத்தில் உள்ள அனைத்து தரப்பினரும் பாராட்டு தெரிவித்து வருகின்றனர்.