ஆப்கானிஸ்தானில் அமெரிக்க குண்டு வீச்சில் கேரள வாலிபர் பலி

கேரளாவில் இருந்து ஐ.எஸ். இயக்கத்தில் சேர்ந்த 21 பேரில் அடுத்தடுத்து 3 பேர் பலியாகி விட்டதாக வெளியான தகவல் அவர்களின் உறவினர்களை அதிர்ச்சியில் ஆழ்த்தியது. இது உண்மைதானா? என்பது உறுதி செய்யப்படாத நிலையில் இந்த இயக்கத்தில் சேர்ந்த மற்றவர்களின் கதி என்ன? என்று அவர்களின் உறவினர்கள் பீதியில் இருந்தனர்.

இந்த நிலையில் 2 நாட்களுக்கு முன்பு மங்களசேரியைச் சேர்ந்த சஜிர் (வயது 32) என்ற வாலிபரும் அமெரிக்க குண்டு வீச்சில் படுகாயம் அடைந்து இறந்து விட்டதாக இவரின் உறவினர்களுக்கு தகவல் வந்தது.

ஆப்கானிஸ்தானில் இருந்து டெலிகிராம் ஆப் மூலம் வந்த இத்தகவலில் சஜிர் இறந்து கிடப்பது போன்ற படமும் இணைக்கப்பட்டிருந்தது. இதனை சஜிருடன் ஐ.எஸ். இயக்கத்தில் சேர்ந்த ஒருவர்தான் அனுப்பி இருந்தார்.

இந்த தகவலை சஜிரின் உறவினர்கள் தேசிய புலனாய்வு அதிகாரிகளிடம் அளித்தனர். அவர்கள் சஜிர் இறந்தது உண்மைதானா? என்பதை விசாரித்து வருகிறார்கள்.