நித்யானந்தா மீது புதிய வழக்கு - குஜராத் போலீஸ் நடவடிக்கை

இந்த நிலையில் குஜராத்தின் அகமதாபாத் மாவட்டத்தில் உள்ள நித்யானந்தா ஆசிரமத்தில் இருந்த துர்லாபதி என்பவர் போக்சோ சிறப்பு கோர்ட்டில் ஒரு மனுதாக்கல் செய்தார். அதில் கூறி இருப்பதாவது:-

நித்யானந்தா ஆசிரமத்தில் குழந்தைகளுக்கு ஆபாச வீடியோக்கள் காட்டி உள்ளனர். இது தொடர்பாக போலீஸ் நிலையத்திலும், குழந்தைகள் நல அமைப்பினரிடமும் புகார் செய்யப்பட்டது. அதன்பேரில் ஆசிரமத்திற்கு வந்த போலீஸ் அதிகாரிகள் மற்றும் குழந்தைகள் நலக் குழுவினர், குழந்தைகளிடம் அதே வீடியோக்கள் மற்றும் புகைப்படங்களை காட்டி உள்ளனர்.

மேலும் நித்யானந்தாவுக்கு சாதகமான அறிக்கைகளை பெறும் வகையில் குழந்தைகளை அச்சுறுத்தி உள்ளனர். எனவே நித்யானந்தா மீதும் சம்பந்தப்பட்ட அதிகாரிகள் மீதும் நடவடிக்கை எடுக்க வேண்டும்.

இவ்வாறு அந்த மனுவில் கூறப்பட்டு இருந்தது.

வழக்கை விசாரித்த கோர்ட்டு புகாரின் அடிப்படையில் வழக்குப்பதிவு செய்து விசாரணை நடத்த போலீசாருக்கு உத்தரவிட்டது.

அதன் பேரில் நித்யானந்தா போலீஸ் இன்ஸ்பெக்டர் ராணா, டி.எஸ்.பி.கள் கமரியா, ரியால் சர்வையா, சர்தா மற்றும் குழந்தைகள் பாதுகாப்பு அதிகாரிகள், உறுப்பினர்கள் உள்பட 14 பேர் மீது போக்சோ சட்டப்பிரிவுகளில் வழக்குப்பதிவு செய்து விசாரணை நடத்தி வருகின்றனர்.