ராணிப்பேட்டையில் நர்சுகள் சிகிச்சை அளித்ததால் பிரசவத்தில் தாய், குழந்தை மரணம்

டாக்டர்கள் இல்லாததால் நர்சுகள் பிரசவம் பார்த்துள்ளனர். முறையான சிகிச்சை அளிக்காததால் தான் அர்ச்சனா,குழந்தை இறந்துள்ளனர். இதற்கு காரணமானவர்கள் மீது நடவடிக்கை எடுக்க வேண்டும் எனக் கூறி ஆஸ்பத்திரி வளாகத்தில் போராட்டத்தில் ஈடுபட்டனர். அப்போது அர்ச்சனா மற்றும் குழந்தையின் உடலை பிரேத பரிசோதனைக்காக வாலாஜா அரசு ஆஸ்பத்திரிக்கு கொண்டு செல்ல முயன்றனர். உறவினர்கள் ஆம்புலன்சை முற்றுகையிட்டு போராட்டத்தில் ஈடுபட்டனர்.

இதுபற்றி தகவல் அறிந்த ராணிப்பேட்டை போலீஸ் இன்ஸ்பெக்டர் திருநாவுக்கரசு, தாசில்தார் பாக்கியநாதன் ,காந்தி எம்.எல்.ஏ ஆகியோர் சம்பவ இடத்திற்கு சென்று பேச்சுவார்த்தை நடத்தினர். தாய் மற்றும் குழந்தை சாவுக்கு காரணமானவர்கள் மீது நடவடிக்கை எடுக்க வேண்டும் என தொடர்ந்து வலியுறுத்தினர்.

ராணிப்பேட்டை மாவட்டத்தில் அரசு ஆஸ்பத்திரி மற்றும் ஆரம்ப சுகாதார நிலையங்களில் கர்ப்பிணிகளுக்கு முறையான சிகிச்சை அளிக்க வேண்டுமென கலெக்டர் திவ்யதர்ஷினி உத்தரவிட்டுள்ளார்.

இந்த நிலையில் ஆரம்ப சுகாதார நிலையத்தில் தாய் குழந்தை முறையான சிகிச்சை அளிக்காததால் இறந்த சம்பவம் பரபரப்பை ஏற்படுத்தி உள்ளது.