கேரளா: மாணவி தலையில் சுத்தியலால் தாக்கிய வடமாநில தொழிலாளி கைது

இந்த நிலையில் திருவனந்தபுரம் அருகே வர்க்கலை பகுதியில் என்ஜினீயரிங் கல்லூரி மாணவி ஒருவர் நடுரோட்டில் வட மாநில தொழிலாளி ஒருவரால் தலையில் சுத்தியலால் தாக்கப்பட்டு படுகாயம் அடைந்த சம்பவம் நடந்து உள்ளது. அந்த மாணவியின் பெயர் தன்யா (வயது20). இவர் கல்லூரிக்கு நடந்து சென்ற போது அவரை பின் தொடர்ந்து வந்த முகம்மது மக்காராம் என்ற உத்தரபிரதேச வாலிபர் அவரது பின் தலையில் சுத்தியலால் தாக்கினார்.

இதில் படுகாயம் அடைந்த அந்த மாணவி அலறியபடி மயங்கி விழுந்தார். அவரது சத்தம் கேட்டு ஓடி வந்த பொதுமக்கள் அந்த வாலிபரை மடக்கி பிடித்து வர்க்கலை போலீசில் ஒப்படைத்தனர். போலீசார் அவரை கைது செய்து எதற்காக மாணவியை தாக்கினார் என்று விசாரணை நடத்தி வருகிறார்கள்.