ரூ.1.6 லட்சம் விலையில் புதின்-டிரம்ப் சம்மிட் எடிஷன் நோக்கியா 3310 (2017)

புதின்-டிரம்ப் சம்மிட் எடிஷன் நோக்கியா 3310(2017) தங்க முலாம் பூசப்பட்ட நாணயம் கொண்டுள்ளது. வட்ட வடிவிலான தங்க நாணயத்தில் புதின் மற்றும் டிரம்ப் ஆகியோரின் முகங்கள் பதிக்கப்பட்டுள்ளன. புதிய ஸ்பெஷல் எடிஷன் போனின் விலை 2468 டாலர்கள் அதாவது இந்திய மதிப்பில் ரூ.1.6 லட்சம் என நிர்ணயம் செய்யப்பட்டுள்ளது.  

நோக்கியா 3310 (2017) ஆடம்பர புதின்-டிரம்ப் பதிப்பு டைட்டானியம் மற்றும் பிளாக் வெல்வெட் மூலம் தயாரிக்கப்பட்டுள்ளது. இதனால் வழக்கமான நோக்கியா 3310 (2017) பதிப்பை விட இது அதிக உறுதியாக இருக்கிறது. எச்.எம்.டி. குளோபல் வழங்கிய அதே ஹார்டுவேர் பாகங்களை உள்புறம் கொண்டுள்ள ஆடம்பர பதிப்பில் பல்வேறு விலை உயர்ந்த அம்சங்கள் சேர்க்கப்பட்டுள்ளன.