அப்படி ஒன்றும் விதி இல்லை- நம்பிக்கை வாக்கெடுப்பு நடத்தாத சபாநாயகர் மீது திரிணாமுல் காங். பாய்ச்சல்

ஆந்திராவுக்கு சிறப்பு மாநில அந்தஸ்து வழங்க வலியுறுத்தி பாராளுமன்றத்தில் தெலுங்குதேசம், ஒய்.எஸ்.ஆர். காங்கிரஸ் எம்.பி.க்கள் தொடர்ந்து அழுத்தம் கொடுத்து வருகின்றனர். பா.ஜ.க. உடனான கூட்டணியை முறித்துக்கொண்ட தெலுங்கு தேசம் கட்சி, மத்திய அரசில் அங்கம் வகித்த 2 மந்திரிகளை ராஜினாமா செய்ய வைத்தது.

அத்துடன், மோடி அரசுக்கு எதிராக நம்பிக்கை இல்லா தீர்மானம் கொண்டு வர இரு கட்சிகளையும் சேர்ந்த எம்.பி.க்கள் நோட்டீஸ்கள் அளித்துள்ளனர். ஆனால், பாராளுமன்றத்தில் தொடர்ந்து அமளி நடப்பதை காரணம் காட்டி, நம்பிக்கையில்லா தீர்மானத்தை விவாதத்திற்கு எடுத்துக்கொள்ள முடியாது என சபாநாயகர் சுமித்ரா மகாஜன் கூறி வருகிறார்.