பத்மநாபபுரம் அரண்மனைக்கு புதிய இணையதளம் தொடக்கம்

புராதன சிறப்பு, வரலாற்று தகவல்கள் உள்ளிட்ட பழம் பெருமை வாய்ந்த இந்த அரண்மனை பற்றியும், அதன் சிறப்புகளையும் உலகத்தின் பார்வைக்கு கொண்டுச் செல்ல கேரள அரசு ஏற்பாடு செய்து வந்தது.

அதன் பயனாக பத்மநாபபுரம் அரண்மனை குறித்த புதிய இணைய தளத்தை தொடங்கி உள்ளது. கேரள அரசின் தொல்லியல் துறை சார்பில் தொடங்கப்பட்ட இந்த இணைய தளத்தை கேரள மந்திரி ராமச்சந்திரன் கடனபள்ளி தொடங்கி வைத்தார்.

நிகழ்ச்சியில் பேசிய அவர் மனிதன் புதுப்புது கண்டு பிடிப்புகளை நிகழ்த்தும் போது அவனது தொடக்கம் மற்றும் வரலாற்று பின்னணியை தெரிந்து கொள்வது அவசியம்.

அதற்கு புராதன சிறப்பு மிக்க பத்மநாபபுரம் அரண்மனை பற்றியும், அதில் உள்ள பழங்கால வரலாறு பற்றியும் அறிந்து கொள்ள வேண்டும். அதற்காகவே இந்த இணையதளம் தொடங்கப்பட்டுள்ளது. இதன் மூலம் உலக மக்கள் மட்டுமின்றி இந்தியாவின் பழங்கால சிறப்புகளை அறிய விரும்புவோரும் பயன் அடைவார்கள் என்றார்.

கேரளாவில் 179 நினைவிடங்களும், 12 மியூசியங்களும் உள்ளன. அவற்றை கேரள தொல்லியல்துறை பராமரித்து வருகிறது என்றும் கூறினார்.