தனியார் ரெயில்கள் 160 கி.மீட்டர் வேகத்தில் செல்லும் - நிதி ஆயோக் தகவல்

ரெயில்களை இயக்கும் தனியார் நிறுவனம் சந்தை விலைக்கு ஏற்ப கட்டணங்களை நிர்ணயம் செய்து கொள்ளலாம்.

அடிக்கடி பயணம் செய்பவர்களுக்கு சலுகை வழங்கலாம். தனியார் ரெயில் நிறுவனங்கள், தங்களது ரெயில்கள், கட்டண விவரங்களின் விளம்பரப்பலகைகளை பயணிகள் பார்க்கும் வகையில் முக்கிய இடங்களில் வைத்து கொள்ளலாம். ரெயில்களை குத்தகைக்கு எடுத்தும் இயக்கி கொள்ளலாம். டிரைவர் பற்றாக்குறை ஏற்பட்டால் ரெயில்வே துறையில் பணிபுரியும் டிரைவர்களை பயன்படுத்தி கொள்ளலாம்.

தமிழகத்தில் சென்னை- பன்வேல் (மும்பை), சென்னை-ஓக்லா (கிழக்கு டெல்லி), சென்னை-ஹவுரா, தாம்பரம்-மதுரை, சென்னை-சர்லாபள்ளி (ஜதரா பாத்) தாம்பரம்- பையப்பன ஹள்ளி, சென்னை-கோவை, தாம்பரம்-நெல்லை, தாம்பரம்-திருச்சி, சென்னை-பகத்கி கோந்தி (ராஜஸ்தான்), கன்னியாகுமாரி-தாம்பரம் இடையே தனியார் ரெயில்கள் இயக்கப்படுகின்றன. தனியார் ரெயில்கள் இயக்கப்படுவது குறித்து கருத்துக்களை தெரிவிக்க வருகிற 17-ந் தேதி வரை அவகாசம் அளிக்கப்பட்டுள்ளது.