‘நீட்’ தேர்வுக்கு இம்மாத இறுதியில் பயிற்சி வகுப்புகள் தொடங்கும்: ஐகோர்ட்டில் தமிழக அரசு பதில் மனு

தமிழக மாணவர்களுக்கு உளவியல் ரீதியாகவும் கவுன்சிலிங் வழங்கப்பட்டு வருகிறது. இதற்காக 24 மணி நேரமும் செயல்படக்கூடிய 104 இலவச சேவை மையங்கள் அனைத்து மாவட்டங்களிலும் திறமையாக செயல்படுகிறது. இதில், தொடர்பு கொண்ட ஆயிரக்கணக்கான மாணவர்களின் தற்கொலை எண்ணங்கள் மாற்றப்பட்டுள்ளன. இந்த மையங்கள் தொடர்பாக போதுமான அளவில் விழிப்புணர்வு முகாம்களும் நடத்தப்பட்டு வருகிறது.

‘நீட்’ தேர்வுக்கு எதிராக தமிழகம் முழுவதும் மொத்தம் 1,422 போராட்டங்கள் நடந்துள்ளன. அதில் 933 போராட்டங்களை அரசியல் கட்சியினரும், 317 போராட்டங்களை மாணவர்கள் இயக்கங்களும் நடத்தியுள்ளன. தமிழகத்தில் அரசு, தனியார் மற்றும் சுயநிதி மருத்துவ கல்லூரிகளில் உள்ள அனைத்து மருத்துவ இடங்களையும் தகுதியான மாணவர்களை கொண்டு நிரப்ப நடவடிக்கைகளை அரசு மேற்கொண்டது. தற்போது ஆங்கிலத்தில் உள்ள ‘நீட்’ தேர்வு தொடர்பான வினா-விடை தொகுப்பை தமிழில் மொழிபெயர்க்கும் பணி நடந்து வருகிறது.