சத்தீஸ்கரில் நக்சலைட்டுகள் தாக்குதல் ஒருவர் பலி

இந்நிலையில், சத்தீஸ்கர் மாநிலத்தின் ஜகதல்பூர் மற்றும் ஒடிசா மாநிலத்தின் மல்கன்கிரி பகுதியில் இருந்து இரண்டு பேருந்துகள் நேற்றிரவு ஐதரபாத் நகரை நோக்கி சென்று கொண்டிருந்தன. இந்நிலையில், சத்தீஸ்கர் மாநிலத்தின் டோர்னாபால் காவல்நிலையத்துக்கு உட்பட்ட பெடாகுட்தி, பெண்டா கிராமங்களுக்கு இடைபட்ட சாலையில் அந்த இரு பேருந்துகளையும் நக்சலைட்டு கும்பல் தடுத்து நிறுத்தியுள்ளது.

அந்த பேருந்தில் இருந்தவர்களை கீழே இறங்குமாறு கூறிய நக்சல்கள் இறங்க மறுத்தவர்களை தாக்கியுள்ளனர். இந்த தாக்குதலில் ஒருவர் பரிதாபமாக உயிரிழந்தார். இதையடுத்து அந்த இரு பேருந்துகளுக்கு தீவைத்து கொளுத்திய நக்சல்கள் அங்கிருந்து தப்பியோடி விட்டனர்.