உன்னாவ் பாலியல் வன்கொடுமை, கொலை வழக்கு - பாஜக முன்னாள் எம்எல்ஏவுக்கு அதிர்ச்சி தந்த உச்சநீதிமன்றம்

மேலும் பாதிக்கப்பட்ட சிறுமியும் அவரது வழக்கறிஞரும் காரில் சென்ற போது, ஒரு லாரி அவர்கள் மீது மோதியது. இதில் சிறுமியின் உறவினர்கள் இருவர் சம்பவ இடத்திலேயே உயிரிழந்தனர்.

சிறுமியும், அவரது வழக்கறிஞரும் படுகாயங்களுடன் உயிர் பிழைத்தனர். இந்த விவகாரம் பூதாகரமாக வெடித்ததை அடுத்து வழக்கு சி.பி.ஐ வசம் ஒப்படைக்கப்பட்டது.

டெல்லி நீதிமன்றம் குல்தீப் சிங் செங்காருக்கு போக்சோ சட்டத்தின் கீழ் ஆயுள் தண்டனையும், 25 லட்ச ரூபாய் அபராதமும் விதித்தி தீர்ப்பளித்தது. மேலும் சிறுமியின் தந்தை காவலில் மரணமடைந்த வழக்கில் செங்காருக்கு மேலும் 10 ஆண்டுகள் சிறை தண்டனையும் விதிக்கப்பட்டது.

இதை எதிர்த்து அவர் டெல்லி உயர்நீதிமன்றத்தில் மேல்முறையீடு செய்தார்.

இந்த மனுவை கடந்த டிசம்பர் 23 அன்று விசாரித்த டெல்லி உயர்நீதிமன்றம், செங்கர் ஏற்கனவே ஏழு ஆண்டுகள் மற்றும் ஐந்து மாதங்கள் சிறையில் இருந்ததால், அவரது மேல்முறையீட்டு விசாரணை நிலுவையில் இருக்கும் வரை, அவரது ஆயுள் தண்டனையை நிறுத்தி வைப்பதாக உத்தரவிட்டது.