நன்றி சொல்ல உங்களுக்கு... வார்த்தை இல்ல எனக்கு... பாபு எமோஷனல் பேட்டி

கேரளாவில் 3 நாட்களாக மலை பாறை இடுக்கில் சிக்கிய தன்னை காப்பாற்றிய ராணுவ வீரர்களுக்கு முத்தம் கொடுத்து பாபு நன்றி தெரிவித்தார்.

Published:9th Feb, 2022 at 11:38 AM

கேரளாவின் மலம்புழா, சேரடு பகுதியை சேர்ந்தவர் பாபு (வயது 23).

பாபுவுக்கு மலையேறுவதில் ஆர்வம் அதிகம். இதனால் அவர் நேற்று முன்தினம் மாலையில் 2 நண்பர்களுடன் பாலக்காட்டை அடுத்த குரும்பாச்சி மலைக்கு சென்றார்.

3 பேரும் மலையேறினர். சிறிது தூரம் சென்ற போது பாபு கால் இடறி கிழே விழுந்தார். இதில் காயம் அடைந்த அவர் திடீரென மலையில் இருந்து தவறி விழுந்தார்.

கீழே விழும்போது மலையில் வளர்ந்திருந்த செடி, கொடிகளை பிடித்து கொண்டதால் பாபு ஒரு பாறை இடுக்கில் மாட்டி கொண்டார். அவரை நண்பர்கள் மீட்க முயன்றனர். ஆனால் அவர்களால் பாபுவை மீட்க முடியவில்லை. அதற்குள் இரவாகி விட்டதால் நண்பர்கள் செய்வதறியாது தவித்தனர்.

பாபு இருந்த பாறை பகுதியை மீட்பு குழுவினரால் கண்டுபிடிக்க முடியவில்லை. எனவே அவர்கள் டிரோன் கேமிரா மூலம் அந்த பகுதி முழுவதும் தேடுதல் வேட்டையில் ஈடுபட்டனர்.

இதற்கிடையே குன்னூரில் இருந்து ராணுவ ஹெலிகாப்டரும் அங்கு வரவழைக்கப்பட்டு தேடும் பணியில் ஈடுபட்டனர். பாபு சிக்கி இருந்த பாறை பகுதியில் ஹெலிகாப்டரால் தாழ்வாக பறந்து செல்ல முடியவில்லை. இதனால் அவர் இருக்கும் இடத்தை அவர்களால் கண்டுபிடிக்க முடியவில்லை. இதையடுத்து ஹெலிகாப்டர் அங்கிருந்து திரும்பி சென்று விட்டது.