சிறுமி பாலியல் வன்கொடுமை வழக்கில் சர்ச்சை தீர்ப்பு வழங்கிய நீதிபதிக்கு புதிய சிக்கல்

கடந்த ஜனவரி மாதம் 19-ம் தேதி 12 வயது சிறுமி பாலியல் வன்கொடுமை வழக்கு ஒன்றில், ‘ஆடையோடு உடம்பைத் தொடுவது போக்ஸோ சட்டத்தின்கீழ் பாலியல் குற்றமாகாது’என நீதிபதி புஷ்பா கனேடிவாலா தீர்ப்பளித்தார். அதே போல கடந்த பிப்ரவரி மாதம் 15-ம் தேதி நடைபெற்ற வழக்கில் ‘5 வயது சிறுமியின் கைகளைப் பற்றுவதும், பேண்ட் ஜிப்பை திறப்பதும் போக்சோ சட்டத்தின் கீழ் பாலியல் குற்றமில்லை’என தீர்ப்பளித்தார்.

இந்த இரு தீர்ப்புகளும் சமூகத்தில் பெரும் விவாதத்தை எழுப்பிய நிலையில் அவற்றை எதிர்த்து தேசிய மகளிர் ஆணையமும், குழந்தைகள் உரிமை ஆணையமும் உச்ச நீதிமன்றத்தில் வழக்குத் தொடர்ந்தன. இதையடுத்து அவரை மும்பை உயர்நீதிமன்ற கூடுதல் நீதிபதியாக 2 ஆண்டுகளுக்கு நியமிப்பதற்கு பதில் ஓராண்டாக குறைத்து உச்சநீதிமன்றம் உத்தரவிட்டது.