ராமர் கோவில் நன்கொடை திருட்டு விவகாரத்தை அரசியலாக்க வேண்டாம்: உச்சநீதிமன்ற தலைமை நீதிபதி

சிபிஐ விசாரணை

மனுதாரர்கள் உச்சநீதிமன்றம் மேற்பார்வையில் சிபிஐ விசாரணை வேண்டும். ஸ்ரீ ராம் ஜென்மபூமி தீர்த்த க்ஷேத்ரா அறக்கட்டளை கணக்குகளை தணிக்கை செய்ய வேண்டு்ம என்று கேட்டுக்கொண்டனர்.

இந்த விசாரணையின்போது உத்தர பிரதேச அரசு சார்பில் ஆஜரான சொலிசிட்டர் ஜெனரல் துஷார் மேத்தா, "ராமர் கோவில் நன்கொடை திருட்டு தொடர்பான நிலை அறிக்கை ஒன்று தாக்கல் செய்யப்பட்டுள்ளது. 8 பேர் கைது செய்யப்பட்டுள்ளனர்" என்றார். அத்துடன் இதற்கு மேல் விரிவாக என்றால் கூற இயலாது என்றார்.

நிலை அறிக்கையை நீதிபதிகள் ஆய்வு செய்தபோது, ​​சிறப்பு புலனாய்வுக் குழு (SIT) மூலம் விசாரணை நடைபெறுகிறதா என்று நீதிபதி சூர்ய காந்த் வினவினார்.

அதற்குப் பதிலளித்த மேத்தா, ஆரம்பக்கட்டப் பரிசீலனை சிறப்பு புலனாய்வுக் குழுவால் மேற்கொள்ளப்பட்டதாகவும், தற்போது இவ்வழக்கை காவல்துறை விசாரித்து வருவதாகவும் தெரிவித்தார்.

மேலும், "உண்மையை கண்டறியவே ஒரு சிறப்பு புலனாய்வுக் குழு அமைக்கப்பட்டது. தற்போது காவல்துறை விசாரணை நடத்தி வருகிறது. இதில் சட்டப்படி நடவடிக்கை எடுக்கக்கூடிய வகையிலான குற்றம் (cognizable offence) நிகழ்ந்துள்ளதாக அக்குழு கண்டறிந்துள்ளது" என்றார்.

இதையடுத்து, சிறப்புப் புலனாய்வுக் குழு (SIT) விசாரணையை மேற்கொள்ளலாம் என்று கூறிய நீதிபதிகள் அமர்வு, ஒரு மூத்த அதிகாரியின் தலைமையில் அக்குழுவை மறுசீரமைக்க முடியுமா என்றும் கேட்டனர்.

அத்துடன் "நாங்கள் ஒரு எச்சரிக்கையை மட்டுமே விடுக்கிறோம். இப்பிரச்சினையை அரசியலாக்க வேண்டாம். விசாரணை நேர்மையான முறையில் நடைபெற்று, தர்க்கரீதியான முடிவை எட்ட வேண்டும்" என்றார் தலைமை நீதிபதி சூர்ய காந்த்.