குடியரசுத் தலைவர் ஆட்சி.. மேற்கு வங்க நிர்வாகம் என் கையில் இல்லை - மம்தா

மேற்கு வங்கத்தின் மால்டா மாவட்டத்தில் தங்களது பெயர்கள் வாக்காளர் பட்டியலிலிருந்து நீக்கப்பட்டதாகக் குற்றம் சாட்டி நேற்று வாக்காளர் பட்டியல் மறுஆய்விற்கு வந்த ஏழு நீதித்துறை அதிகாரிகளை 9 மணி நேரத்திற்கும் மேலாக மக்கள் சிறைபிடித்தனர்.

இரவு 1 மணியளவில் காவல்துறை மற்றும் துணை ராணுவப் படையினர் சம்பவ இடத்திற்கு விரைந்து சென்று, போராட்டக்காரர்களைக் கலைத்து, நீதித்துறை அதிகாரிகளை மீட்டுப் பாதுகாப்பான இடத்திற்கு அழைத்துச் சென்றனர்.

நீதித்துறை அதிகாரிகள் மீட்கப்பட்டபோது அவர்கள் வாகனங்கள் மீது போராட்டக்காரர்கள் கற்களை வீசி தாக்குதல் நடத்தினர். இந்த சம்பவம் குறித்து மேற்கு வங்க அரசை கடுமையாக சாடிய உச்சநீதிமன்றம் அதிகாரிகள் பாதுகாப்புக்கு மத்திய படையினரை நிலைநிறுத்த உத்தரவிட்டனர்.