நிதி ஆயோக் கூட்டம்: நாட்டின் வளர்ச்சிக்காக இணைந்து செயல்படுகிறோம் - பிரதமர் மோடி உறுதி

நிதி ஆயோக் கவுன்சில் என்பது நாட்டின் வளர்ச்சிக்கான திட்டங்களை வகுக்கும் உயர்ந்த அமைப்பாகும். இது இந்தியாவின் பொருளாதார கொள்கைகளை வடிவமைப்பதிலும், மாநிலங்களின் பங்களிப்பை உறுதி செய்வதிலும் முக்கிய பங்கு வகிக்கிறது.

நிதி ஆயோக்

இந்தியாவில் 65 ஆண்டுகளாக செயல்பட்டு வந்த திட்டக்கமிஷனுக்கு மாற்றாக இது கொண்டு வரப்பட்டது. பிரதமர் நரேந்திர மோடி தலைமையிலான மத்திய அரசால் 2015-ம் ஆண்டு ஜனவரி 1-ந்தேதி நிதி ஆயோக் முறைப்படி தொடங்கப்பட்டது.

இந்த நிலையில் நிதி ஆயோக் கவுன்சிலின் 11-வது கூட்டம் டெல்லி ஜனாதிபதி மாளிகை வளாகத்தில் உள்ள கலாசார மையத்தில் இன்று நடந்தது.

இந்த கூட்டத்தில் பங்கேற்பதற்காக அனைத்து மாநில முதல்-மந்திரிகளுக்கும் மத்திய அரசு அழைப்பு விடுத்திருந்தது. அதை ஏற்று ஒவ்வொரு மாநில முதல்-மந்திரிகளும் இன்று நிதி ஆயோக் கூட்டத்தில் கலந்து கொண்டனர்.

நிதி ஆயோக் கூட்டத்தில் பங்கேற்பதற்காக முதலமைச்சர் விஜய் நேற்றே டெல்லி சென்றிருந்தார். அங்கு அவர் தமிழ்நாடு இல்லத்தில் தங்கி இருந்தார்.இன்று காலையில் முதலமைச்சர் விஜய் தமிழ்நாடு இல்லத்தில் இருந்து புறப்பட்டு நிதி ஆயோக் கூட்டம் நடைபெற்ற ஜனாதிபதி மாளிகைக்கு காலை 9 மணிக்கு சென்றடைந்தார்.

அவருடன் தமிழக அரசின் தலைமை செயலாளர் சாய்குமாரும் சென்றார். அங்கு மத்திய அரசின் உயர் அதிகாரிகள் அவர்களை வரவேற்று கூட்ட அரங்கில் அமர வைத்தனர்.